O‘zbekiston milliy terma jamoasi yordamchi murabbiyi Vlado Radmanovich 21 yoshli hujumkor futbolchi Abbosbek Fayzullayev mashg‘ulotlardan birida jarohat olganini aytib o‘tgandi.
Bu xabar Rossiya tomonlarga ham yetib bordi. Rossiya Premer-ligasini kuzatib borayotgan mutaxassislar darrov o‘z munosabatlarini bildira boshladi.
Bu bejiz emas, albatta. Chunki legionerimiz Rossiya chempionatining eng yorqin o‘yinchilaridan hisoblanadi. Qolarvesa, SSKAning oldingi chiziqdagi samaradorligi, uchrashuvlardagi muvaffaqiyati ko‘p jihatdan Abbosbek Fayzullayevning harakatlariga bog‘langan.
Klublar miqyosidagi musobaqalarda deyarli har bir uchrashuvda ilk daqiqalardan to‘p tepib kelayotgan Abbosbek milliy terma jamoada ham nihoyat asosiy tarkib o‘yinchisiga aylandi.
Vladimir PONOMARЕV, SSKAning sobiq futbolchisi:
Fayzullayev jamoani o‘z ortidan ergashtiradigan va oldinga boshlaydigan yigit, uni to‘xtatib qolish juda qiyin.
Abbos juda yaxshi dribling ustasi, to‘p bilan yugura oladi, jamoasi uchun xavfli hujumlar uyushtirib beradi, o‘zi ham zo‘r zarba bera oladi.
Boshida men unga shubha bilan qaragan edim, lekin hozir Abbosning mahorati borgan sari o‘sayotganini tan olaman. Ofarin!
Shu o‘rinda, agar Fayzullayev oldindagi uchrashuvlarda ishtirok eta olmasa, xavotirga tusha boshlaymiz, hatto biroz qo‘rqinchli ham bo‘ladi. Ko‘ramiz, Miralem Pyanich nima qilib berarkin.
Yevgeniy ALDONIN, SSKA sobiq futbolchisi:
Abbosbek Fayzullayevning mavsum qizg‘in pallaga kirganida o‘yini qovushib borayotgani juda yaxshi. Chunki har bir uchrashuvda ochko olish kerak.
Biroq, xunuk xabar tarqadi. Tabiiyki, Fayzullayev jarohat tufayli safdan chiqsa, bu SSKAning hujum salohiyatiga keskin ta’sir ko‘rsatadi.
Abbosbek jamoa liderlaridan biri. Unga mustahkam salomatlik va tezroq oyoqqa turishini tilayman.
O‘zbekistonlik muxlislarni xotirjam qilgan holda shuni ta’kidlash lozimki, Abbosbek Fayzullayev terma jamoamiz tarkibidagi mashg‘ulotda oyog‘ini shikastlab olganidan keyin darrov shifokorlar nazoratiga olingan.
O‘tkazilgan muolajalar natijasida 21 yoshli hujumkor futbolchi o‘zini ancha tetik va bardam his qilayotgani aytildi. O‘zbekiston futbol assotsiatsiyasi mutasaddilari o‘yinchining holati barqaror ekani va navbatdagi bahslarda ishtirok etish imkoniyati yuqori ekanini ma’lum qildi.
Abbosbek Fayzullayev joriy mavsumda SSKA tarkibida barcha musobaqalarda 13 marotaba maydonga tushib, o‘z hisobiga ikkita gol va beshta assist yozdirib qo‘ygan.
Shuningdek, O‘zbekiston milliy terma jamoasi safida jami 20 ta uchrashuvda ishtirok etib, raqiblar darvozasini to‘rt marotaba ishg‘ol qilgan.
Transfermarkt portali 21 yoshli legionerimizni 6 million yevroga baholamoqda. Fayzullayev ayni paytda Markaziy Osiyoning eng qimmatbaho o‘yinchisi hisoblanadi. Bu ko‘rsatkich bo‘yicha undan keyingi pog‘onalarni 5 million yevroga baholanayotgan “top-5” ligalari vakillari – Eldor Shomurodov va Abduqodir Husanov egallab turibdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
