Keyingi paytda Abduqodir Husanov Yevropa futboli transfer xabarlarining asosiy qahramonlaridan biriga aylanib bormoqda. “Lans”da porlay boshlagan 20 yoshli legionerimizga Fransiyadan tashqari, Angliya, Italiya va Germaniyaning mashhur klublaridan qiziqish bo‘lmoqda.
Angliya futbolini yoritib kelayotgan footballinsider247.com portali o‘zining Inside Track podkastida Angliyaning eng badavlat klublaridan hisoblangan “Nyukasl”ning Abduqodir Husanovni transfer qilish imkoniyatlarini muhokama qildi.
Podkast mehmoni bo‘lgan Angliya terma jamoasining sobiq darvozaboni Pol Robinson “Nyukasl”ning o‘zbek futbolchisiga jiddiy qiziqayotgani, bu transferning ahamiyati, uni amalga oshirish imkoniyatlarini tahlil qilib berdi.
Ekspertlarning ta’kidlashicha, “Nyukasl” bosh murabbiyi Eddi Xau asosiy markaziy himoyachilar Sven Botman hamda Jamaal Laselles jarohat tufayli uzoq muddatga safdan chiqqani bois, qishki transferlar davridayoq himoya chizig‘ini yangi o‘yinchilar bilan kuchaytirish istagini bildirgan.
“Qarg‘alar” nishoniga tushgan futbolchilardan biri Fransiya chempionatining eng yaxshi markaziy himoyachilaridan biriga aylanib qolgan Abduqodir Husanov hisoblanadi.
Futbol eksperti Pol Robinsonning bu transfer haqida fikr-mulohazalarini o‘zbekistonlik futbol ishqibozlari e’tiboriga havola etamiz.
- Bu transfer juda murakkab. Abduqodir Husanov O‘zbekiston milliy terma jamoasida 16 ta uchrashuvda ishtirok etgan yaxshi saviyali o‘yinchi.
Markaziy himoyachi pozitsiyasiga 20 yoshli katta salohiyat egasini olib kelish imkoniyati bor. Biroq uning tajribasiga e’tibor qaratsak, yuqori darajada hali kam o‘ynaganini inobatga olishimizga to‘g‘ri keladi.
“Nyukasl” himoya chizig‘ini bezovta qilayotgan masala himoyachilarda tempning yetishmasligidir. Bu borada Husanov juda zo‘r variant va ular salohiyatli o‘yinchini olgan bo‘ladi.
Boshqa tomondan hali yuqori saviyada o‘ynash bo‘yicha yetarli tajriba to‘plab ulgurmagan juda yosh o‘yinchini transfer qilish va uni darrov eng murakkab musobaqa – Angliya Premer-ligasiga tashlash bu juda katta tavakkal ekanini unutmaslik lozim.
Kelajakda ham Husanov katta klublar nishonida bo‘ladi. Lekin “Nyukasl” hozirgi muammolariga tezkor yechim qidirayotgan bo‘lsa, tajribasi kam o‘yinchini olish kutilgan natijani berishiga ishonchim komil emas.
Abduqodir juda sifatli o‘yinchi, ko‘p klublar unga qiziqish bildiryapti, lekin ularning aksariyati ham yosh o‘yinchiga darrov boshlang‘ich tarkibda joy bermasa kerak, - dedi Pol Robinson.
Darhaqiqat, Football Insider internet portali Pol Robinsonning fikrlaridan kelib chiqib, Abduqodir Husanovning o‘yinlari statistikasini keltirdi.
Maxsus ma’lumotnomada 20 yoshli himoyachi klublar miqyosida professional darajada 60 dan ziyod uchrashuvda ishtirok etgan, ana shu bahslarning 37 tasi Belarus chempionatiga to‘g‘ri kelganini, O‘zbekiston milliy terma jamoasi safida 16 marotaba maydonga tushganini ma’lum qilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
22 noyabr kuni Cobalt avtomobiliga shartnoma ochilishi e’lon qilindi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
KXDR o‘z askarlarini urushga yuborish evaziga Rossiyadan havo hujumidan mudofaa vositalarini olgan
