O‘zbekiston milliy terma jamoasi himoyachisi Abduqodir Husanov va uning muxlislari yaxshi yangilikni nishonlayotgan vaqtda Fransiya Professional futbol ligasi Tartib-intizom qo‘mitasi ham sanksiyalar ro‘yxatini e’lon qildi.
Gap shundaki, Abduqodir Husanov Fransiya chempionatining oktyabr oyidagi eng yaxshi yosh futbolchisini aniqlash bo‘yicha o‘tkazilgan so‘rovnomada barcha raqiblarini katta ustunlik bilan ortda qoldirib g‘olib chiqqan edi.
Bundan tashqari, “Lans” muxlislari 20 yoshli legionerimizni sentyabr oyidan keyin oktyabrda ham jamoaning eng yaxshi futbolchisi, deb topdi.
Abduqodir Husanov PSJ bilan bo‘lgan o‘ninchi tur uchrashuviga deyarli barcha bellashuvlarda “Lans”ning eng yaxshi o‘yinchisi sifatida e’tirof etib kelindi. Amaldagi chempionga qarshi Parijda o‘tkazilgan bellashuvda hamyurtimiz antiqahramonga aylanib qoldi.
Husanov o‘sha bahsda PSJning qimmatbaho yulduzlarini ayab o‘tirmadi va ularga nisbatan keskin, ayrim hollarda qo‘pol o‘ynadi. Buning oqibatida 59-daqiqada o‘zbek futbolchisining raqib himoyachisi Ashraf Hakimiga ishlatgan podkati o‘ta xavfli deb topildi va Abduqodir Maydondan chetlatildi.
Tartib-intizom qo‘mitasining Abduqodir Husanov bo‘yicha yakuniy qarorini Fransiya futbolini yoritib kelayotgan barcha manbalar tarqatdi.
LEQUIPE.FR:
Chempionatning oktyabr oyidagi eng yaxshi yosh o‘yinchisi, deb topilgan Abduqodir Husanov xunuk xabar oldi. O‘zbek himoyachisi “Lans” PSJga yutqazgan uchrashuvda Ashraf Hakimiga ishlatgan qo‘pol harakati uchun jiddiy diskvalifikatsiya oldi.
Endi Uill Still yetakchi himoyachisining o‘rnini bosa oladigan boshqa futbolchi topishi va vaziyatdan chiqish yo‘lini qidirishi lozim.
PIERROTLEFOOT.COM:
Fransiya professional futbol ligasi (LFP) milliy chempinatning bir necha o‘yinchilari va murabbiylariga nisbatan navbatdagi sanksiyalarni e’lon qildi.
O‘yinchilar orasidan “Lans” himoyachisi Abduqodir Husanov PSJ vakili Ashraf Hakimiga qo‘llagan podkati uchun ikki o‘yinga chetlatildi. Uning harakati raqib salomatligiga ziyon yetkazishi mumkin bo‘lgan darajada xavfli, deb topildi.
LEPHOCEEN.FR:
“Lans” muhim o‘yinlar oldidan katta yo‘qotishlarga duch keldi. Fransiya professional futbol ligasi Tartib-intizom qo‘mitasi qaroriga ko‘ra, PSJ bilan o‘yinda maydondan chetlatilgan Abduqodir Husanov 9 noyabr kuni “Nant” va 23 noyabrda “Marsel” jamoalariga qarshi uchrashuvlarni o‘tkazib yuborishi tasdiqlandi.
NEWS.DAYFR.COM:
“Lans”ning universal himoyachisi Abduqodir Husanov diskvalifikatsiya tufayli keyingi ikki turda “Nant” va “Marsel”ga qarshi bellashuvlarni o‘tkazib yuborishga majbur bo‘ladi.
Bundan tashqari, himoyachi Jonatan Gradit oxirgi 10 ta uchrashuvdagi sariq kartochkalari soni uchtaga yetgani bois, “Marsel” bilan bo‘ladigan bahsda ishtirok etmaydi. Xuddi shu sabab tufayli Mbala Nzola “Nant” bilan o‘yinda qatnasha olmaydi.
PSJ bilan o‘yinda hissiyotlarini boshqara olmay, bosh hakam tomonidan jazolangan bosh murabbiy Uill Still ham “Marsel” bilan bo‘ladigan to‘qnashuvda jamoasini masofadan boshqarishiga tug‘ri keladi.
FOOT-SUR7.FR:
Abduqodir Husanov PSJ bilan o‘yinda maydondan chetlatilgani uchun endi uni qanday jazo kutib turganini bilib oldi.
O‘zbek futbolchisining ikki o‘yinlik diskvalifikatsiyasi “Lans” uchun juda og‘ir zarba. Tartib-intizom qo‘mitasining qarori tufayli lansliklar bo‘lajak uchrashuvlarda jamoaning eng muhim figuralaridan biri xizmatidan foydalana olmaydi.
Mavsum kashfiyoti bo‘lgan yosh himoyachi “Nant” va “Marsel”ga qarshi uchrashuvlarda Yevropa kuboklarga chiqish uchun kurashayotgan “Lans”ga yordam berolmasligi tasdiqlandi. Endi bosh murabbiy Uill Still himoya chizig‘i barqarorligini ta’minlab turgan Husanovning o‘rnini bildirmaydigan yechim topishi kerak. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
