“Roma” rahbariyati jamoaga bosh murabbiy etib tayinlangan Klaudio Raneriga kerakli o‘yinchilarni olib beradigan bo‘lyapti. Taniqli murabbiy mavsum oxirigacha jamoa ishlarini o‘nglab berishi kerak.
Yanvar oyiga mo‘ljallangan transferlardan biri ancha shov-shuvli bo‘ladi. Taniqli insayder Fabritsio Romano rimliklar “Real” hujumchisi Endrikni olib kelishi haqidagi ma’lumotlarni tasdiqladi.
“Roma” sport direktori Floran Gisolfi kuni kecha klub boshqaruvidagilar yangi strategiyani amalga oshirishga qo‘l urayotganini ma’lum qildi. Endi rimliklar asosiy e’tiborini jamoani yoshartirishga harakat qiladi. Yoshi o‘tib borayotgan nomdor o‘yinchilar o‘rnini iste’dodli yoshlar egallaydi.
Klubga egalik qiluvchi Fridkinlar oilasi mutasaddilardan ana shu yo‘nalishdagi ishlarni yo‘lga qo‘yishni talab qilmoqda.
Bungacha amalga oshirilgan transferlar orasida faqatgina Artyom Dovbik o‘zini oqlagani ta’kidlandi. Fabritsio Romanoga ko‘ra ukrainalik forvardga o‘rinbosar sifatida rimliklar “Real”dan braziliyalik Endrikni olib keladigan bo‘ldi. “Real” yosh yulduzchasini sotmasligi aniq. “Bo‘rilar” uni ijaraga olishga urinib ko‘radi.
Ayni paytda “Roma”da faqat ikki nafar markaziy hujumchi bor. Dovbikdan tashqari Eldor Shomurodov sof markaziy hujumchi hisoblanadi.
Biroq o‘zbek legioneri o‘yinlarda o‘zini yetarli darajada ko‘rsata olmadi. Qolaversa, O‘zbekiston milliy terma jamoasida jarohat olib, bir necha haftaga safdan chiqdi.
“Roma” faoliyatini yoritib borayotgan romaforever.it sayti eksperti Francheska Di Nora poytaxt klubi Shomurodov bilan xayrlashishga qaror qilgani haqida yozgan edi.
Manbaga ko‘ra, sport direktori Gisolfi yanvarda o‘zbek hujumchisini boshqa klubga ijaraga berish yoki to‘liq transfer qilib yuborish bo‘yicha ish olib boradi.
Bu ma’lumotlardan kelib chiqib, agar “Roma” Endrikni qo‘lga kiritadigan bo‘lsa, Shomurodovning maydonga tushishi yanada qiyinlashadi va legionerimiz qishda o‘ziga o‘yin amaliyoti beradigan boshqa klubga o‘tgani ma’qul bo‘lib qoladi.
“Real” 18 yoshli Endrikni yozda katta umidlar bilan transfer qilgandi. Markaziy hujumchi uchun madridliklar “Palmeyras”ga 47,5 million yevro to‘lagan. Biroq Karlo Anchelotti futbolchiga yetarli darajada o‘yin amaliyoti bermayapti.
Ispaniya chempionatida Endrik sakkizta uchrashuvda jami 55 daqiqa o‘ynadi va o‘z hisobiga bittadan gol va assist yozdirib qo‘ydi. Chempionlar ligasida ikkita o‘yinda bir soatdan ko‘proq harakat qilib, bitta gol urishga erishdi.
Ekspertlarning ta’kidlashicha, Shomurodovning “Roma”dagi kelajagi poytaxt klubining yangi markaziy hujumchi olishiga chambarchas bog‘liq bo‘ladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global ochlik va qashshoqlikka qarshi kurash alyansiga 82 mamlakat a’zo bo‘ldi
22 noyabr kuni Cobalt avtomobiliga shartnoma ochilishi e’lon qilindi
Kim Chen In harbiylarni jangovar holatda turishga chaqirdi
Dunyoning mashhur ayollari kunni qanday boshlaydi?
AQSH–Xitoy ziddiyati va Tayvan omili: Trampdan nima kutish mumkin?
O‘zbekiston hukumati parlament oldidagi vakolatlarini topshirdi
Uyni xarajatlarsiz isitishning 10 ta oddiy usuli
Starlink uchun yana 20 ta sun’iy yo‘ldosh orbitaga uchirildi
