Abbosbek Fayzullayev uchun bu mavsum ham muvaffaqiyatli o‘tmoqda. 21 yoshli hujumkor futbolchimiz klub tarkibida ham, milliy terma jamoa safida ham sermahsul o‘yin ko‘rsatmoqda.
Xususan, yangi mavsumda SSKA safida barcha turnirlarda 19 marotaba maydonga tushib, ikkita gol va oltita assist muallifi bo‘ldi.
O‘zbekiston milliy terma jamoasining noyabr oyida o‘tkazgan ikkita rasmiy uchrashuvida Abbosbek o‘z hisobiga uchta gol yozdirib qo‘ydi.
Fayzullayev klub va xalqaro miqyosdagi faoliyati tufayli Osiyo futbol konfederatsiyasi tomonidan qit’aning eng yaxshi yosh futbolchisi sovrini bilan taqdirlangani ham hamyurtimizning e’tirof va e’tiborda ekanidan dalolat beradi.
Rossiya futbolidagi taniqli shaxs, tajribali murabbiy Valeriy Nepomnyashchiy Abbosbek Fayzullayev haqida iliq fikr bildirdi.
- Menga Abbosbek Fayzullayev juda yoqadi. U yaxshi yigit, aqlli, juda zo‘r sifatlarga ega.
O‘zbekiston milliy terma jamoasining umumiy suratga tushish jarayonida SSKA libosini kiyib olgani uning klubga bo‘lgan munosabatini namoyon qiladi. Men uchun bu o‘ziga xos kashfiyot va yangilik bo‘ldi.
Fayzullayev – “armiyachilar”ning yetakchi o‘yinchilaridan biri. Bu jamoada kreativ futbolchilar jamlangan.
Abbos jamoaga tezlik olib keldi, kerakli vaziyatlarda kutilmagan yechimlar topadi, ustunlikka erishadi.
Fayzullayevning SSKA o‘tgani unga muvaffaqiyat keltirdi, Abbos o‘z jamoasini topdi va shuning uchun ham borgan sari o‘yini ochilyapti, o‘zi esa o‘smoqda, - dedi Valeriy Nepomnyashchiy.
Rossiyalik mutaxassis o‘zbek futboliga befarq emas. Valeriy Kuzmich 2006 yilda “Paxtakor” va O‘zbekiston milliy terma jamoasini boshqargan.
Abbosbek Fayzullayev aynan “Paxtakor” tarbiyalanuvchisi hisoblanadi. SSKA uni 2023 yilning avgustida 500 ming yevro evaziga transfer qilgan. Bugungi kunda 21 yoshli legioner 6 million yevroga baholanmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Dunyoning mashhur ayollari kunni qanday boshlaydi?
22 noyabr kuni Cobalt avtomobiliga shartnoma ochilishi e’lon qilindi
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Isroilga qurol sotishni to‘xtatish AQSH Senatida ko‘rib chiqiladi
Tadqiqot: iqlim o‘zgarishi to‘fonlar tezligini oshirmoqda
Kelgusi yildan o‘quvchilar o‘rtasida harbiy-sport musobaqalari o‘tkaziladi
