O‘zbekiston futzal federatsiyasiga yangi prezident tayinlandi

Toshkentda 25 dekabr kuni O‘zbekiston futzal federatsiyasining taqdimot marosimi o‘tkazildi.

^{Foto: O‘FA}
Tadbir avvalida O‘FA hamda O‘zPFL futzalni rivojlantirishni yangi bosqichga olib chiqish, shuningdek, mini-futbol va sohil futbolini aholi orasida ommalashtirish va rivojlantirish maqsadida ularni yagona tuzilmaga birlashtirishga qaror qilingani qayd etildi.

^{Foto: O‘FA}
O‘FA bosh kotibi Avaz Maksumovning ma’lum qilishicha, O‘zbekiston futzal federatsiyasining Ustav loyihasi hamda Ijroiya qo‘mita a’zolari tasdiqlangan. Shundan so‘ng, tashkilotning ta’sis hujjatlari belgilangan tartibda Adliya vazirligidan ro‘yxatdan o‘tkazish uchun taqdim etilgan.

^{Foto: O‘FA}
2025 yildan faoliyatini boshlaydigan O‘zbekiston futzal federatsiyasi prezidenti etib BMB Holding kuzatuv kengashi raisi Bekzod Mamatqulov nomzodi ma’qullandi. Jumladan, federatsiyada:

^{Foto: O‘FA}
- Bekzod Mamatqulov — federatsiya prezidenti;
- Aziz Akbarjonov — vitse-prezident;
- Ma’rufjon Abdullayev — bosh kotib.

Tadbir davomida futzal bo‘yicha terma jamoamizning keyingi Jahon chempionatlarida munosib ishtirok etishiga tilak bildirildi. “Zamin” yangiliklarini “Vkontakti”da kuzatib boring