Ruben Amorim ketma-ket toʻrt magʻlubiyatdan soʻng “Manchester Yunayted”dan ketishga tayyor(mi?)

“Manchester Yunayted”ga katta umidlar bilan olib kelingan bosh murabbiy Ruben Amorim ham jamoa oʻyini va natijalarida ijobiy oʻzgarish qila olmayapti.

Portugaliyalik mutaxassis qoʻl ostida manchesterliklar soʻnggi toʻrt uchrashuvning barchasida yutqazdi. Xususan, Angliya Premer-ligasining 19-turida jamoa oʻz muxlislari koʻz oʻngida “Nyukasl”dan 0:2 hisobida engildi.

Shundan soʻng, jurnalistlar Ruben Amorimdan jamoadan qachon ketishi haqida soʻrashdi.

- Agar ketishim jamoa uchun yaxshi boʻlishini sezsam, darrov joyimni topshiraman. Bunday holatlarda odam oʻz gʻoyalariga sodiq qolishi kerak. Men oxirigacha shunday qilaman.

Gʻoyalarimda hech qanday oʻzgarish yoʻq. Oʻzgarishlar muayyan uchrashuvga qarab, faqat taktikalarda boʻladi, - dedi Ruben Amorim. “Zamin”ni Telegramʻda oʻqing!