“Manchester Siti” Abduqodir Husanovdan soʻng yana bir himoyachi transferini hal qildi

“Manchester Siti” Abduqodir Husanovdan soʻng “Palmeyras” futbolchisi Vitor Reys transferini hal qildi, deb xabar bermoqda Fabritsio Romano.

Jurnalistning xabariga koʻra, ikki tomon kelishib olgan. Ushbu transfer uchun manchesterliklar 40 million yevro toʻlashadi. Hujjatlar masalasi hal boʻlgandan soʻng Vitor shu hafta tibbiy koʻrikdan oʻtib, “shaharliklar” bilan shartnoma imzolashi kutilmoqda.

19 yoshli braziliyalik himoyachi oʻtgan mavsum 38 ta uchrashuvda ishtirok etib, 2 ta gol urishga muvaffaq boʻlgan. Uning Transfermarkt portalidagi narxi 14 million yevro deb baholanmoqda.

Xabaringiz bor, bir necha kun oldin Xosep Gvardiola boshchiligidagi jamoa hamyurtimiz Husanov transferini ham deyarli hal qilgan edi. “Siti” himoyachimiz uchun Fransiyaning “Lans” klubiga bonuslar bilan birga 50 million yevro atrofidagi summa boʻyicha kelishuvga erishgan. “Zamin” yangiliklarini “Telegram”da kuzatib boring