Shomurodov va uning jamoadoshlari «Jenoa»ga qarshi necha bahoga loyiq koʻrildi?

Italiya chempionatining 21-turida “Roma” va “Jenoa” oʻzaro uchrashdi. “Olimpiko” stadionidagi uchrashuv mezbonlarning 3:1 hisobidagi gʻalabasi bilan yakunlandi.

“Roma” A Seriyaning joriy mavsumidagi ettinchi gʻalabasini nishonladi. Ushbu oʻyinda Eldor Shomurodov 85-daqiqada maydonga tushirildi.

Rim klubi faoliyatini yoritib kelayotgan laroma24.it sayti ekspertlari poytaxt klubining oʻyinini quyidagicha baholadi.

Mile SVILAR 6:
Barqaror oʻynadi. Raqib futbolchisi Patritsio Mazini gol urgan vaziyatda zarba oʻta kuchli chiqdi va uni qaytarish imkoni boʻlmadi.

Janluka MANChINI 6:
Tajribali himoyachi ancha xotirjam oʻynadi, lekin ayrim vaziyatlarda raqibga qarshilik qilishga kech qoldi.

Mats XUMMELS 6:
Nemis futbolchisi uchrashuvda yaxshi oʻynadi, biroq 76-daqiqada Kluadio Raneri uni zaxiraga olib, Pizillini tushirdi va taktikani oʻzgartirdi.

Nikolo PIZILLI 6:
Hujumni kuchaytira oldi, bir vaziyatda oʻzi ham darvozani ishgʻol qilishi mumkin edi. Lekin yosh hujumkor futbolchi imkoniyatni boy berdi.

Evan NDIKA 6,5:
Dastlab uch himoyachi orasida eng zoʻri boʻldi. Keyin Raneri toʻrt himoyachi bilan oʻynashga qaror qilganida ham oʻzini koʻrsatib turdi.

Aleksis SALEMAKERS 6:
Bu gal Aleksis porlagani yoʻq, charchab qolgani sezildi. Bir marta Pellegrinini qulay vaziyatga chiqardi.

Manu KONE 6:
Tinim bilmas yarim himoyachi bu gal ham faol oʻyin koʻrsatdi va rimliklarning raqib oʻz darvozasini ishgʻol qilib qoʻygan uchinchi golida ishtirok edi.

Leandro PAREDES 6:
Birinchi boʻlimni juda boʻsh oʻtkazdi, raqib hisobni tenglashtirishida uning ham aybi boʻldi. Keyin ancha faollashdi.

ANJELINO 6,5:
Bu futbolchi hujum qilishda birorta xatoga yoʻl qoʻygani yoʻq. Raqibni ta'qib qilishda ham sovuqqonlik bilan harakat qildi.

Paulo DIBALA 7:
Argentinalik yulduz gol urmagan boʻlsa-da, maydonda eng zoʻri boʻldi. U jamoadoshlarini gʻalaba sari etakladi deyish mumkin.

Matias SULE 6:
Dibala oʻrniga maydonga tushib, bir necha daqiqa oʻynaganiga qaramay, oʻzini koʻrsatishga harakat qildi.

Lorentso PELLEGRINI 5.5:
Bahsni yaxshi boshladi. Artyom Dovbikning golida ishtirok etdi. Lekin “Roma” darvozasi aynan uning aybi bilan ishgʻol qilindi. Tanaffusda oʻrnini El-Shaaraviga boʻshatib berdi.

Stefan EL-ShAARAVI 7:
Ikkinchi boʻlimni toʻliq oʻtkazgan Stefan juda faol oʻynadi va gol urib jamoasini hisobda oldinga olib chiqdi

Artyom DOVBIK 6:
Bitta vaziyatga ega boʻldi va undan unumli foydalandi. Umumiy oʻyini yaxshi chiqmadi. Oʻrnini Shomurodovga boʻshatib berdi.

Eldor ShOMURODOV 6:
85-daqiqada maydonga tushgan oʻzbek futbolchisi jamoasining soʻnggi daqiqalardagi hujumlarida faol ishtirok etdi. Biroq samarali harakatlarni amalga oshirishga vaqt etmadi.

Kluadio RANERI 6,5:
“Roma” gʻalaba qozondi. Raneri uchrashuv davomida gʻalabani ta'minlash uchun oʻyinchi tanlash qobiliyatini yana bir bor namoyish qildi. Rim klubi nega aynan bu mutaxassisga ishonch bildirgani tobora oydinlashib bormoqda. “Zamin” yangiliklarini “Telegram”da kuzatib boring