Superliga yangi mavsumiga qachon qur'a tashlanadi?

Superliganing bu yilgi mavsumi joriy yilning 7 mart kuni start olishi rejalashtirilgan.

Liga uning toʻliq ishtirokchilari va klublar qaysi stadiondan qay tartibda foydalanishi masalasida ish olib borishiga toʻgʻri keldi.

Musobaqaga qur'a tashlash marosimi 1 fevral kuni 18:00 da start oladi va u "Futbol TV" orqali jonli efirga olib chiqiladi.

Qur'a jarayonida Liga quyidagi ketma-ketlikni inobatga oladi:

a) mavsum startini oʻz maydonida boshlamasligi, biroq keyinchalik boshqa stadionga koʻchib oʻtishi katta ehtimol boʻlgan klublar;

b) bir stadiondan foydalanishi koʻzda tutilgan va shundan kelib chiqib juftlik hosil qilgan klublar;

d) juftlik hosil qilmagan klublar.

Liga mutaxassislari qur'a va uning qolgan masalalarini jonli efirda tushuntirib berishi koʻzda tutilgan.

Manba: pfl.uz “Zamin” yangiliklarini “Telegram”da kuzatib boring