Robin van Persi jamoasiga qarshi bir vaqtda 12 futbolchi oʻynadi

Niderlandiya futbolida gʻalati voqea sodir boʻldi. Chempionatning 21-turida taniqli sobiq futbolchi Robin van Persi bosh murabbiylik qilayotgan “Xerenven” oʻz maydonida “Fortuna” bilan kuch sinashdi.

Uchrashuvning 89-daqiqasida mezbonlar hisobda 2:1 hisobida oldinda borayotgan vaziyatda “Fortuna” tarkibida bir daqiqa davomida 12 nafar futbolchi oʻynayotgani ma'lum boʻldi. 90-daqiqada mehmonlar hisobni tenglashtirdi – 2:2.

Bu holat futbol jamoatchiligi tomonidan keng muhokama qilinmoqda.

Musobaqa jadvalida “Xerenven” 25 ochko bilan oʻninchi oʻrinda bormoqda. “Fortuna” esa, bir ochko koʻp jamgʻargan holda ikki pogʻona yuqoridan joy oldi. “Zamin” yangiliklarini “Telegram”da kuzatib boring