Abduqodir Husanov – “Manchester Siti”ning fevral oyidagi eng yaxshi futbolchisi!

Angliyaning yetakchi klublaridan biri "Manchester Siti" rasmiy saytida fevral oyining eng yaxshi futbolchisini aniqlash bo‘yicha ovoz berish tashkil etdi. Kuchli uchlikka jamoaning asosiy yulduzlari – Erling Holand, Abduqodir Husanov va Yoshko Gvardiol kiritildi.

Ovoz berish natijalariga ko‘ra, o‘zbek himoyachisi Abduqodir Husanov muxlislar tomonidan “Man Siti”ning oy futbolchisi deb topildi!

Husanov taniqli yulduzlarni ortda qoldirdi

Ovoz berishda jamoaning yetakchi hujumchisi, Erling Holand va Xorvatiya milliy jamoasi himoyachisi Yoshko Gvardiol ham qatnashdi. Biroq, Husanovning maydondagi ta’sirchan o‘yini va yuqori samaradorligi unga muxlislar tomonidan katta ishonch qozonish imkonini berdi.

Futbolchilarning fevral oyidagi natijalari:
1. Erling Holand – 5 o‘yin, 4 ta gol, 1 ta golli uzatma
2. Abduqodir Husanov – 5 o‘yin, 1 ta gol
3. Yoshko Gvardiol – 6 o‘yin, 1 ta assist

Abduqodir Husanov jamoadagi eng muvaffaqiyatli himoyachilardan biri sifatida namoyon bo‘lmoqda. Uning o‘yini nafaqat Xosep Gvardiola, balki klub ishqibozlari tomonidan ham yuqori baholandi.

O‘zbek futboli uchun ulkan tarixiy natija

Bu g‘alaba o‘zbek futboli uchun juda katta ahamiyatga ega. Abduqodir Husanov kabi futbolchining dunyoning eng kuchli klublaridan biri – "Manchester Siti" safida oyning eng yaxshi futbolchisi bo‘lishi, yurtimiz futbolchilari uchun katta namuna bo‘lib xizmat qiladi.

Husanovning bunday muvaffaqiyatga erishishi uning katta iste’dod egasi ekani va mehnatsevarligini yana bir bor tasdiqlaydi.

Abduqodir Husanov bugungi kunda jahon futbolida tobora mashhur bo‘lib borayotgan o‘zbek futbolchilaridan biri. Uning "Man Siti" kabi top-jamoadagi shiddatli o‘sishi uning kelajakdagi faoliyatida ham katta muvaffaqiyatlarga erishishini anglatadi.

Futbol muxlislari endi Abduqodir Husanovning jamoasi bilan chempionlik va yangi muvaffaqiyatlarga erishishini orziqib kutmoqda. "Man Siti" va o‘zbek futboli tarixida yangi yulduz porlamoqda! “Zamin” yangiliklarini “Telegram”da kuzatib boring