Sergey Fomin Antaliyadagi xalqaro turnir yarim finaliga yo‘l oldi

Turkiyaning Antaliya shahrida o‘tayotgan xalqaro tennis turnirida O‘zbekistonning ikkinchi raqamli tennischisi Sergey Fomin yarim finalga yo‘l oldi.

Sergey chorak finalda italiyalik Gabriel Piraino bilan bahs olib bordi. Uch setdan iborat keskin to‘qnashuvda hamyurtimiz 6:2, 3:6, 6:1 hisobida g‘alaba qozondi va musobaqaning yarim finaliga chiqdi. Endi final yo‘llanmasi uchun Fomin neytral tennischi Svyatoslav Gulinga qarshi maydonga tushadi.

Juftlik bahslarida ham muvaffaqiyat

Yakkalik bahslaridan tashqari, Sergey Fomin juftlik musobaqasida ham ishtirok etmoqda. U neytral tennischi Daniil Golubev bilan hamkorlikda yarim finalga yo‘l oldi. Ular chorak finalda italiyalik Xuan Martin Manzano va ispaniyalik Alvaro Peiro Serrano duetlarini 7:4, 6:4 hisobida mag‘lub etdi.

Endi juftlik finalida Sergey va Daniil bosh sovrin uchun belgiyalik tennischilar - Emiliyen Demanet va Jek Log juftligi bilan kuch sinashadi.

O‘zbekistonlik tennischi Antaliyada o‘zining yaxshi sport formasini namoyon etmoqda va muxlislar undan yanada yuqori natijalar kutishmoqda. Sergey Fominning yarim finaldagi ishtiroki mamlakatimiz tennisi taraqqiyotida yana bir muhim qadam bo‘lishi mumkin. “Zamin” yangiliklarini “Telegram”da kuzatib boring