“Latsio” va “Roma” o‘rtasidagi bahsda g‘olib topilmadi

A Seriyaning 32-turidan o‘rin olgan Rim derbisida “Latsio” va “Roma” jamoalari 1:1 hisobida durang o‘ynashdi. Bellashuv “Olimpiko” stadionida bo‘lib o‘tdi va har ikki jamoa ham faol harakat qildi.

“Latsio” hisobni 47-daqiqada Alessio Romanyoli orqali ochdi. “Roma” esa 69-daqiqada Matias Sule tomonidan kiritilgan gol bilan javob berdi.

Statistikaga ko‘ra, “Latsio” 12 marta darvozaga zarba berdi (7 tasini nishonga), “Roma” esa 9 zarba (4 nishonga) bilan javob qaytardi. To‘p nazoratida “Roma” ustunlikka ega bo‘ldi – 53% va 383 ta pas bilan. Ikkala jamoa ham 12 tadan qo‘pollik sodir etdi.

Mazkur durangdan so‘ng “Latsio” 56 ochko bilan 6-o‘rinni egallamoqda, “Roma” esa 54 ochko bilan 7-pog‘onada bormoqda. “Zamin”ni Telegramʻda oʻqing!