Shomurodovning super assist qayd etgan o‘yini qanday baholandi?

Italiyaning A Seriyasi 35-turidan o‘rin olgan muhim bahsda Rimning «Roma» klubi o‘z uyida «Fiorentina»ni qabul qildi va 1:0 hisobida g‘alabaga erishdi.

«Stadio Olimpiko» stadionida bo‘lib o‘tgan o‘yinni 70 mingdan ziyod muxlis tomosha qildi. Uchrashuv juda keskin va qizg‘in kurashlar bilan kechdi, ikki jamoa ham o‘z imkoniyatlaridan maksimal foydalanishga harakat qildi.

Bahsning 45+5-daqiqasida «Roma»ning ukrainalik hujumchisi Artyom Dovbik yagona golni kiritdi. Bu golning muallifi bo‘lgan Dovbikka ajoyib bosh bilan golli uzatmani O‘zbekiston milliy terma jamoasi hujumchisi Eldor Shomurodov amalga oshirdi.

Eldor Shomurodov bu o‘yinda asosiy tarkibdan o‘rin oldi va o‘ziga xos tezkor harakatlari hamda samarali o‘yini bilan muxlislarning olqishlariga sazovor bo‘ldi. Uchrashuvdagi ajoyib assistidan tashqari, Shomurodovning o‘yini statistika portallarida ham yuqori baholandi. Hamyurtimizga o‘yindagi harakatlari uchun 7.4 ball berildi.

Umuman olganda, rimliklar ushbu g‘alaba orqali turnir jadvalida to‘rtinchi o‘ringa ko‘tarilib oldilar va Yevropa kuboklariga yo‘llanma olish uchun muhim uch ochkoni qo‘lga kiritishdi. “Zamin”ni Telegramʻda oʻqing!