Turki Al ash-Shayx boksda “o‘yinbozlik”ka qarshi qat’iy kurash boshladi

Boks olamida katta ta’sir va obro‘ga ega bo‘lgan Turki Al ash-Shayx ringda faqat haqiqiy kurashni ko‘rishni istaydi. U so‘nggi chiqishida zamonaviy boksda tobora ko‘payib borayotgan “ko‘zga ko‘rinmas”, ya’ni tamoman hayajonsiz va jonsiz kechadigan janglarga qarshi kurash olib borishini ma’lum qildi.

Turki Al ash-Shayx o‘zining ijtimoiy tarmoqdagi sahifasida bu borada qattiq va aniq pozitsiya bildirib, muxlislarga quyidagi murojaatni yo‘lladi:

“Men endi Tom va Jerri multfilmiga o‘xshash zerikarli va ma’nosiz uchrashuvlarni ko‘rishni istamayman. Bu kabi janglarda bir bokschi ring atrofida faqat yuguradi, ikkinchisi esa uning ortidan shunchaki quvib yuradi. Biz ringda bor kuchini, iste’dodini va jasurligini namoyon etadigan haqiqiy jangchilarni qo‘llab-quvvatlaymiz. Tomoshabinlarga haqiqiy boks kayfiyati va voqeiy sport muhitini yetkazishni maqsad qilganmiz”, — deya ta’kidladi u.

Ma’lumot uchun, Turki Al ash-Shayx oxirgi yillarda xalqaro boks va jang sportlarida ko‘plab yirik loyihalar, yo‘nalishlar va grandioz musobaqalar tashabbuskori sifatida tanilgan. Uning yo‘nalishi faqat pul yoki reytingi uchun emas, ringda “bo‘sh” harakatlar bilan vaqt o‘tkazishni qo‘llamaslikdan iborat.

Ayni paytda, turli mamlakatlardagi ba’zi boks ekspertlari va professional sportchilar, jumladan, rossiyalik charm qo‘lqop ustasi Magomed Qurbonov Turkining boksga doir siyosatini tanqid qilgan edi. Ammo Al ash-Shayxning qat’iy nuqtayi nazarini ko‘pchilik boks ishqibozlari qo‘llab-quvvatlamoqda.

Bugun boks olamida asosiy e’tibor aynan jonli, dinamik va hayajonli janglarga qaratilayapti. Turki Al ash-Shayxning maqsadi — muxlislar ringda haqiqiy, kurash va mahoratga boy boks tomoshasiga guvoh bo‘lishini ta’minlash. Endi “o‘yinbozlik” va ringdagi “pishiqlik” emas, haqiqiy boks va chinakam professionallar bosh mezonga aylanmoqda. “Zamin”ni Telegramʻda oʻqing!