Portugaliya futboli afsonasi, besh karra "Oltin to‘p" sohibi Krishtianu Ronalduning yurakdan chiqqan tabrigi AQSHda katta shov-shuvga sabab bo‘ldi. U o‘zining shaxsiy imzosi tushirilgan va maxsus yozuv bilan bezatilgan Portugaliya terma jamoasi futbolkasini AQSH prezidenti Donald Trampga sovg‘a qildi.
Mazkur esdalik sovg‘asi Trampga Yevropa kengashi prezidenti Antoniu Koshta orqali topshirildi. AQSH prezidentining aloqa bo‘yicha maslahatchisi Margo Martinning ma’lum qilishicha, sovg‘a Tramp tomonidan samimiylik bilan qabul qilingan.
Qizil rangdagi futbolkada Ronalduning mashhur raqami — 7 raqami va uning shaxsiy imzosi yozilgan. Eng muhim jihati — futbolkadagi shunday yozuv bo‘ldi:
"To President Donald J. Trump – Playing for peace"
(Tinchlik uchun harakat qilayotgan Prezident Donald Trampga)
Bu ibora nafaqat Ronalduning shaxsiy munosabatini, balki uning global tinchlik va hamkorlik yo‘lidagi qo‘llab-quvvatlovini ham ifoda etgan. Hozirgi geosiyosiy voqelikda bunday ramziy harakatlar e’tibor markazida bo‘lib qolmoqda.
Futbol orqali insoniyatni birlashtirish g‘oyasi bugun jahonda juda muhim. Sport diplomatiyasi so‘ngi yillarda siyosiy aloqalarda ham o‘z ta’sirini ko‘rsata boshladi. Krishtianu Ronalduning bu kabi ezgu ishorasi ana shunday tahsinga loyiq holatlardan biri bo‘ldi.
Ta’kidlash joiz, Donald Tramp ham o‘z nutqlarida tinchlik tashabbuslarini qo‘llab-quvvatlashini bildirgan. Shu bois, Ronalduning bu sovg‘asi nafaqat futbol, balki siyosiy ahamiyatga ham ega.
Futbol va siyosat dunyo sahnasida yana bir bora kesishdi. Va bu safar tinchlik va do‘stlikni qo‘llab-quvvatlash ramzida. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
