Futbol olamida beqiyos iz qoldirgan Lionel Messi seshanba kuni o‘zining 38 yoshini nishonlayapti. Ushbu sana nafaqat uning millionlab muxlislari, balki uning futbolchi sifatida shakllanishiga katta hissa qo‘shgan “Barselona” jamoasi uchun ham unutilmas kun hisoblanadi.
Kataloniya grandi hisoblangan “Barselona” klubi safida to‘p surgan va dunyo futbolini o‘zgacha darajaga olib chiqqan futbolchiga ijtimoiy tarmoqlar orqali samimiy tabrik yo‘lladi.
“Tug‘ilgan kuning bilan, yagona va takrorlanmas!” — deya yozildi klub rasmiy sahifasida, Messiga bag‘ishlangan muxlislik muhabbati yana bir bor namoyon etildi.
Lionel Messi 2000 yillarda “Barselona” tarbiyalanuvchisi sifatida klubga qadam qo‘ygan va shu vaqt mobaynida jamoa bilan ulkan yutuqlarga erishgan. U jamoa safida 778 ta o‘yinda maydonga tushib, 672 gol muallifi bo‘lgan. Messi "Barsa" bilan 10 marta La Liga, 7 marta Kubok va 4 marta Chempionlar Ligasi g‘olibligini qo‘lga kiritgan.
2021 yilda moliyaviy sabablar tufayli klub bilan xayrlashgan Messi avval “PSJ”da o‘ynadi, hozirda esa AQSHning “Inter Mayami” jamoasi safida faoliyat yuritmoqda. Shunga qaramasdan, uning “Barselona” bilan bog‘langan munosabati va o‘zaro ehtiromi hali ham yuraklar markazida saqlanib qolgan.
Messi shu paytgacha 8 marta "Oltin to‘p" (Ballon d'Or) sohibi bo‘lgan yagona futbolchi hisoblanadi va ko‘pchilik uni tarixdagi eng buyuk futbolchi sifatida e’tirof etadi.
Katta futbol yulduzining tavallud kuni barcha sport muxlislari va futbol tarixi ixlosmandlari uchun ham quvonchli sana bo‘lib qoldi. Barcha uchun ilhom manbai bo‘lgan Messining yangi yoshiga ham omad va sog‘lik tilab qolamiz! “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
