Yevropa futbolida yana bir yirik transfer amalga oshishi mumkin. Gap "Manchester Siti"ning tajribali himoyachisi Kayl Uoker haqida ketmoqda. Angliyalik futbolchi bilan Turkiyaning mashhur klubi – “Fenerbaxche” jiddiy qiziqib qolgan. Bu haqda mahalliy va xalqaro sport nashrlari xabar tarqatmoqda.
Ma’lum bo‘lishicha, “Fenerbaxche” bosh murabbiyi Joze Mourinyu Uokerni yozgi transferlar oynasida jamoaga olib kelishni istamoqda. Afsonaviy murabbiy jamoaning himoya chizig‘ini qayta shakllantirish niyatida va Uokerni bu jarayonning asosiy bo‘g‘ini sifatida ko‘ryapti.
Portugaliyalik mutaxassis Kaylning universalligidan foydalanib, jamoa taktikasini 3 markaziy va 2 qanot himoyachisidan iborat yangi modelga o‘tkazishni rejalashtirmoqda. Bu sxema “Fenerbaxche”ning hujumkor salohiyatini oshirishi kutilmoqda.
32 yoshli Uoker hozircha "Manchester Siti" bilan shartnomaning so‘nggi yilini o‘tamoqda. U 2017 yilda “Tottenxem”dan “Siti”ga ko‘chib o‘tgan va shu vaqt mobaynida APL chempionligini 6 marta qo‘lga kiritgan. Uning so‘nggi mavsumi esa “Milan” jamoasida ijara asosida o‘tdi. Italiyadagi faoliyati orqali Uoker yana yuqori darajada ekanini isbotladi.
Turk nashrlarining yozishicha, muzokaralar faqat boshlangan, ammo Mourinyu Uokerni jamoasiga olib kelishda qattiq bel bog‘lagan. Futbolchi uchun taklif etiladigan shartlar va uning "Siti"dan ketish istagi kelasi haftalarda aniqlashishi kutilmoqda.
Futbol olamida tajriba va intizomni yuqori baholaydigan Mourinyu kabi murabbiy uchun Kayl Uoker kabi futbolchi qimmatli boylik hisoblanadi. Endi barcha savol – bu reja amalga oshadimi yoki yo‘q – degan atrofida aylanmoqda.
Kelasi mavsumda Uokerni Istanbulda ko‘ramizmi? Hali barchasi noma’lum, ammo transfer oynasidagi kutilmagan ssenariylar futbol muxlislarini qiziqtirishda davom etmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
