Klublar o‘rtasidagi Jahon chempionati 1/8 final bosqichidan o‘rin olgan “Inter” va “Fluminense” jamoalari o‘rtasidagi bellashuv futbol muxlislari uchun kutilmagan natija bilan yakunlandi. Italiya grandlaridan biri bo‘lgan “Inter” 0:2 hisobida mag‘lubiyatga uchradi.
Uchrashuvdan so‘ng milanliklar bosh murabbiyi Kristian Kivu jamoasi ko‘rsatgan o‘yin haqida o‘z fikrlarini bildirib o‘tdi. Uning ta’kidlashicha, jamoa taslim bo‘lmasdan, oxirigacha harakat qildi:
– Biz oxirgi daqiqalargacha kurashishga urindik, barcha imkoniyatlarni sinab ko‘rdik. Ammo futbolda shunday kunlar bo‘ladiki, barcha harakatlaring samara bermaydi. Aynan shunday holat bugun biz bilan sodir bo‘ldi, – deya Kivudan iqtibos keltiradi FIFA rasmiy sayti.
Mutaxassis raqib jamoa taktikasi ular uchun kutilmagan holat bo‘lganini ham alohida ta’kidladi:
– Biz “Fluminense”ni besh nafar himoyachi bilan o‘ynaydi deb kutmagan edik. Bu esa ayniqsa birinchi bo‘limda katta noqulaylik tug‘dirdi. Ularning yondashuviga moslashish va unga qarshi yechim topish ancha qiyin bo‘ldi. Ularning harakatlari shoshirib qo‘ydi, – dedi u.
Eslatib o‘tamiz, “Fluminense” endi chorak finalda “Manchester Siti” va “Al-Hilol” uchrashuvi g‘olibi bilan to‘qnash keladi. Ushbu bosqichda ular yanada jiddiy raqibga qarshi maydonga tushishadi va o‘z so‘zlarini aytishga harakat qilishadi.
Kivu esa jamoasining mag‘lubiyatidan saboq chiqarish zarurligini ta’kidlar ekan, “Inter” muxlislariga minnatdorchilik bildirdi va ularni noyob qo‘llab-quvvatlov uchun alohida e’tirof etdi.
Ushbu mag‘lubiyat “Inter” uchun musobaqadagi yo‘lni to‘xtatishi mumkin, biroq bu jamoa falsafasi o‘zgarmasligini va kelgusi mavsumlarda yana kuchli tarkib bilan maydonga qaytishlarini anglatadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
