Klublar o‘rtasidagi jahon chempionatida intizorlik bilan kutilgan hal qiluvchi to‘qnashuv finalchilari ma’lum bo‘ldi. Yarim final bahslarida ikki yevropalik grand klub o‘zining kuchini yana bir bor namoyon etdi.
Angliyaning “Chelsi” klubi Braziliyaning “Fluminense” jamoasiga qarshi bahsda 2:0 hisobida zafar quchdi. Ushbu o‘yinda “aristokratlar” aniq va tartibli o‘yini bilan afzallikka erishdi.
Fransiya giganti “Pari Sen-Jermen” esa ispan grandi “Real Madrid”ni kutilmagan darajada yirik hisobda — 4:0 mag‘lubiyatga uchratdi. Bu natija futbol jamoatchiligida katta shov-shuvga sabab bo‘ldi.
Shunday qilib, 13 iyul kuni katta final kutib turibdi. Angliya va Fransiya klublari o‘zaro chempionlik uchun to‘qnash kelishadi. Uchrashuv AQSHning Ist-Raterford shahridagi mashhur “Metlayf Stedium” arenasida bo‘lib o‘tadi.
Bellashuv Toshkent vaqti bilan soat 23:59 da boshlanadi. Bu to‘qnashuv nafaqat ikki jamoa uchun, balki futbol olami uchun ham katta ahamiyatga ega. Chunki bugungi kunda har ikki jamoa o‘zining yulduz futbolchilari, murabbiylar va o‘ziga xos uslubi bilan jahon futbolida muhim o‘rin egallab turibdi.
Finalda kim g‘olib chiqishi hozircha noma’lum, ammo aniqki — 13 iyul kuni futbol ixlosmandlari katta shou, yuqori darajadagi o‘yin va hayajonli lahzalarga guvoh bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
