Italiyaning mashhur “Roma” klubi o‘zini yana bir bor barqaror va ishonchli tarkib shakllantirayotgan jamoa sifatida namoyon etdi. Klub rasmiy saytida e’lon qilingan bayonotga ko‘ra, serbiyalik iqtidorli darvozabon Mile Svilar bilan shartnoma 2030 yilning 30 iyunigacha uzaytirildi, deb xabar berdi asroma.com.
23 yoshli posbon so‘nggi mavsumlarda nafaqat “Roma”ning, balki butun A Seriyaning eng muhim va ishonchli shaxslaridan biriga aylandi. U o‘tgan mavsumda 16 ta o‘yinni darvozaga gol o‘tkazmasdan yakunlab, murabbiylar va muxlislar ishonchini to‘liq oqladi. Yakunda u rasman A Seriyaning eng yaxshi darvozaboni sifatida tan olindi.
2022 yili “Roma” safiga qo‘shilganidan buyon, Mile klub uchun jami 88 ta o‘yinda maydonga tushdi. Uning har bir chiqishi, ayniqsa muhim bahslardagi qahramonliklari muxlislar xotirasida alohida o‘rin egallab kelmoqda.
Joriy 2025 yil taqvim davrida ham Svilarning yuqori darajadagi o‘yinlari orqali jamoa 11 ta “quruq” o‘yin qayd etdi. Bu ko‘rsatkich Yevropa grand klublari bilan solishtirilganda ham eng yuqorilar qatorida turadi.
“Roma” klubi o‘z bayonotida: “Tabriklaymiz, Mile!” deya sportchining mehnatini munosib baholadi va unga bo‘lgan yuksak ishonchini yana bir bor namoyon etdi.
Mile Svilarning shartnomasining uzaytirilishi “Roma”ning kelajak rejalarida uning muhim o‘rin tutayotganidan dalolat beradi. Klub rahbariyati va murabbiylar shtabi uni jamoaning markaziy tayanchi deb hisoblamoqda.
Muxlislar esa ushbu yangilikni katta xursandchilik bilan qarshi olishdi. Ular uchun Svilar nafaqat maydondagi so‘nggi to‘siq, balki g‘alabalar sari yetaklaydigan ruhiy kuch manbai hisoblanadi.
Yaqin yillarda Mile Svilar “Roma”ning himoyasini yanada mustahkamlab, Yevropa maydonlarida ham o‘z so‘zini aytmoqchi. Uning barqaror o‘yinlari va matonati jamoaga katta g‘alabalar olib kelishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
