Saudiya Arabistonida katta klublar e’tibori “Real”ning taniqli vingeri Vinisius Juniorga qaratilgani hali ham saqlanib turibdi. Yaqinda tarqalgan ma’lumotlarga ko‘ra, braziliyalik futbolchi madridliklar bilan yangi shartnoma masalasida kelisha olmayotgani sabab, arab klublari unga jiddiy qiziqish bildira boshladi.
Ma’lumotlarga ko‘ra, Saudiya Arabistonidan kelgan yirik sarmoyadorlar va klub rahbarlari tez orada Vinisius bilan shaxsan muloqot qilib, uni o‘z chempionatiga jalb etish imkoniyatini muhokama qilmoqchi. Arab shayxlari kelasi 3 yil ichida ushbu transferni amalga oshirish niyatida ekanini bildirishgan.
Kelishuv amalga oshsa, Vinisius Junior uchun arablar tomonidan 350 million yevro to‘lashga tayyorlik bildirilmoqda. Agar bu shartnomaga qo‘l qo‘yilsa, braziliyalik yulduz futbol dunyosidagi eng qimmat futbolchiga aylanishi mumkin.
Tahlilchilar fikricha, ushbu transfer nafaqat Saudiya Pro-ligasi, balki butun jahon futbol bozori uchun ham yangi tendensiya va rekordni yaratishi mumkin. Katta ehtimol bilan, bu jarayon yaqin yillarda transfer siyosati va futbol bozorida katta o‘zgarishlarga olib keladi.
Muxlislar esa Vinisius Juniorning taqdiri va uning kelajakdagi yo‘nalishi haqidagi yangiliklarni qiziqish bilan kuzatmoqda. Qolaversa, ushbu “oltin transfer” ortidan Saudiya Arabistoni chempionatida yulduzlar soni yana ortadi, raqobat va shou yanada kuchayadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
