Futbol olamining eng yorqin yulduzlaridan biri — 40 yoshli Krishtianu Ronaldu rasman turmushga chiqish taklifini berdi. Uning sevgilisi Jorjina Rodriges bu haqda ijtimoiy tarmoqlarda xabar berdi.
Jorjina bezakli katta olmos uzuk taqilgan qo‘lining suratini chiqarib, “Ha, xohlayman. Bu hayotimda ham, qolgan umrimda ham” deb yozdi. Suratda Ronalduning qo‘li ham ko‘ringan.
Para 9 yildan beri birga. Ularning tanishuvi 2016 yilda Gucci do‘konida sodir bo‘lgan va “bir qarashda muhabbat” deb ta’riflangan. 2017 yilda ular birinchi bor omma oldida birga ko‘rinib, munosabatlarini tasdiqlashgan.
2022 yil aprelida juftlik farzandli bo‘lgan, ammo u fojiali voqea bilan yo‘g‘rilgan — ikki chaqaloqdan biri vafot etgan, faqat qizaloq Bella Esmeralda hayotda qolgan.
Shu vaqtgacha ularning munosabatlari rasman nikoh bilan mustahkamlanmagan edi. Ronaldu ilgari nega to‘yga shoshilmayotganini izohlab, “Bu vaqt masalasi, biz o‘sha hisni sezganimizda albatta amalga oshadi” degan edi.
Endi esa, kutilgan “o‘sha his” paydo bo‘ldi va Jorjina Rodrigesning “ha” degan javobi Ronaldu hayotida yangi sahifani ochdi.
