"Manchester Siti"ning tajribali yarim himoyachisi Bernardu Silva yangi jamoadoshi, italiyalik darvozabon Janluijji Donnarumma haqida qiziq fikrlar bildirdi. Unga ko‘ra, yosh kiperning uslubi va maydondagi hukmronligi uni "Real Madrid"ning mashhur posboni Tibo Kurtua bilan solishtirishga majbur qilgan.
«Jiji haqiqatan ham menga Kurtuani eslatadi. Uzun bo‘yli, katta qiyofali yigit. E’tiborlisi, u hali ham yosh — atigi 26 yoshda. Ammo shunga qaramasdan, u ancha yillardan buyon yuqori saviyada maydonga tushib kelmoqda.
Bilasizmi, yangi jamoangizdagi ilk bahsda ko‘pincha asabiylik tufayli o‘zingizni yo‘qotib qo‘yishingiz mumkin. Biroq Donnarummada buni sezmadim. U darvozada o‘zini juda ishonchli va xotirjam tutib, jamoaga katta ishonch bag‘ishladi.
Bunday darajadagi posbonning orqangizda bo‘lishi jamoa uchun ulkan ustunlikdir», — deya ta’kidladi portugaliyalik futbolchi.
Bernarduning ushbu so‘zlari "Siti"ning yangi posboniga bo‘lgan ishonchni yanada oshirdi va muxlislar ham Donnarummadan katta kutilmalarga ega bo‘lishmoqda.
“Zamin”ni Telegramʻda oʻqing!
