Aytjon Xalmaxanov 2025-yilda Xorvatiyaning Zagreb shahrida o‘tgan jahon chempionatida 63 kg vazn toifasida oltin medalni qo‘lga kiritdi, deb Kursiv.media xabar berdi. Bu O‘zbekiston uchun grek-rim kurashidagi so‘nggi 24 yil ichidagi birinchi jahon chempionligi hisoblanadi.
Final bahsida u Janubiy Koreyalik Chung Han-Jega qarshi kurashib, g‘alaba qozondi. 19 yoshli Aytjon yoshlar o‘rtasida ikki karra jahon chempioni bo‘lib, ilgari Rim va Bolgariyadagi musobaqalarda ham zafar quchgan.
Bundan tashqari, O‘zbekiston delegatsiyasi ushbu chempionatda yana quyidagi yutuqlarga erishdi:
-
Kumush: Alisher G‘aniyev (60 kg, grek-rim)
-
Bronza: Gulomjon Abdullayev (57 kg, erkin), Umidjon Jalolov (65 kg, erkin), Abdullo Aliev (72 kg, grek-rim)
Grek-rim kurashi bo‘yicha O‘zbekiston umumiy 72 ochko bilan 3-o‘rinni egalladi. Ikkinchi o‘rin — Ozarbayjon (67 ochko), birinchi — Eron (180 ochko).
“Zamin”ni Telegramʻda oʻqing!
