“Real” bosh murabbiyi Xabi Alonso Chempionlar ligasining 2-turi doirasidan o‘rin olgan “Qayrat”ga qarshi o‘yindan so‘ng matbuot anjumanida ishtirok etdi.
“Biz aniq reja bilan kelgandik va olti ochko to‘plashni maqsad qilgandik. Keyingi o‘yin “Vilyarreal”ga qarshi bo‘ladi va biz uchun ko‘proq gol urish muhim edi. Maqsadga erishdik, futbolchilar o‘yinga jiddiy yondashdi va yaxshi o‘yin namoyish etishdi. Endi “Vilyarreal” bilan bo‘ladigan o‘yin haqida o‘ylab uyga qaytamiz,” — dedi Xabi Alonso bahs yakunlangach.
Killian Mbappening xet-trigi haqida
“Hozir u shunday holatdaki, har bir o‘yinda hal qiluvchi rol o‘ynamoqda. U juda samarali, darvoza oldida sovuqqonlik bilan harakat qiladi va buni yana bir bor isbotladi. Unga imkon qadar ko‘proq vaziyat yaratib berishimiz kerak. Derbida ham ajoyib gol kiritdi va biz uning mahoratini yanada rivojlantirishimiz lozim. Kilianning gollari, har kuni jamoadoshlariga ko‘rsatayotgan ta’siri, ishga qay darajada berilib ketgani va mavsumni ajoyib tarzda o‘tkaza olayotganidan juda mamnunman."
"Qayrat" haqida
“Qayrat” Chempionlar Ligasida o‘ynashga munosib ekanligini isbotladi. Bu yerda ushbu musobaqaning odamlar uchun qanchalik ahamiyatli ekanini ko‘rdik. Stadiondagi muhit ajoyib edi. Eng yaxshi tilaklarimni bildiraman. “Qayrat”ga omad tilayman!
O‘yin boshidagi vaziyat
Ehtimol, o‘yin boshida o‘zimizni biroz noqulay his qilgandirmiz. “Qayrat”da birga-bir vaziyat yuzaga keldi. Bunday vaziyatlar jamoani sarosimaga solib qo‘yishi mumkin. Gyuler noqulay vaziyatlarga tushib qoldi. Dastlabki daqiqalarda “Qayrat”ning intensivligi meni hayron qoldirdi.
Nishonga erishish uchun vaqt talab etiladi
Agar vaqtimiz ko‘proq bo‘lganida, bu yerda ko‘proq vaqt o‘tkazishni istardim. Bu yerdagi tog‘lar ajoyib ekan.
“Zamin”ni Telegramʻda oʻqing!
