“Manchester Siti”ning braziliyalik legioneri Savio klub bilan shartnomasini yangiladi va endilikda 2031-yilning yarmigacha “shaharliklar” safida qoladi. 21 yoshli hujumkor futbolchi klub bilan shartnomani uzaytirganidan keyin jamoa bosh murabbiyi Xosep Gvardiola haqida o‘z fikrlarini bildirib o‘tdi.
Savio o‘zining so‘nggi bildirishida Gvardiolani dunyodagi eng zo‘r murabbiy sifatida ta’rifladi. Uning aytishicha, Gvardiola har doim o‘yinchilariga yordam berishga intiladi va u shaxsan o‘ziga ham juda katta yordam bergan.
"Men Gvardiolani dunyodagi eng zo‘r murabbiy, deb hisoblayman. U har doim o‘z o‘yinchilariga yordam berishga intiladi. Shaxsan menga ham juda katta yordam bergan. Gvardiola bilan ishlab ko‘p narsa o‘rganyapman. Har doim uning gaplariga quloq tutaman. Murabbiy menga berayotgan imkoniyatlardan maksimum darajada foydalanishim kerak", — dedi Savio.
Braziliyalik futbolchi “Manchester Siti”ning birinchi jamoasi uchun jami 54 ta uchrashuv o‘tkazib, 4 ta gol va 13 ta assist yozgan. Uning yaxshi formasi va ko‘rsatgan natijalari “Manchester Siti”ga foyda keltirgan va klub bosh murabbiyi Xosep Gvardiola uchun muhim o‘yinchidan biriga aylangan.
Shuningdek, Savio o‘zining yangi shartnomasini amaldagi murabbiyi va klub bilan ishlashni davom ettirish istagi bilan qo‘shib, kelajakdagi maqsadlarini ham aniqlashtirdi. Savio “Manchester Siti”dagi ulkan imkoniyatlarni to‘liq foydalanishga va kelgusida jamoa uchun ko‘proq natijalar ko‘rsatishga intilishini aytib o‘tdi.
Kelgusida Savioning klubga va jamoaga qo‘shgan hissasi yanada katta bo‘lishi, uning muvaffaqiyatlari va Xosep Gvardiola bilan birga ishlashdagi tajribasi “Manchester Siti”ning kelajakdagi ko‘plab muvaffaqiyatlariga sababchi bo‘lishi mumkin.
“Zamin”ni Telegramʻda oʻqing!
