Angliya Premer-Ligasi 7-turidan o‘rin olgan markaziy bahsda “Chelsi” o‘z maydonida “Liverpul”ni 2:1 hisobida mag‘lub etdi.
Bellashuvning ilk bo‘limida 14-daqiqada Moyses Kaysedo jamoasini oldinga olib chiqdi. “Liverpul” 63-daqiqada Kodi Gakpo orqali hisobni tenglashtirdi, ammo o‘yinning 90+5-daqiqasida Estevan Villian hal qiluvchi golni urdi va “Chelsi”ga muhim 3 ochko keltirdi.
Statistika jihatidan o‘yin teng kechdi — har ikki jamoa 12 tadan zarba berdi, ammo “Chelsi” aniqlikda ustun bo‘ldi (6 ta aniq zarbaga nisbatan 2 ta).
O‘yin statistikasi:
• Zarbalar: 12 – 12
• Aniq zarbalar: 6 – 2
• To‘p nazorati: 54% – 46%
• Paslar: 500 – 444
• Pas aniqligi: 82% – 82%
• Follar: 10 – 8
• Sariq kartochkalar: 0 – 2
• Burchaklar: 7 – 2
G‘alabadan so‘ng “Chelsi” jadvalda 11 ochko bilan 6-o‘ringa ko‘tarildi, “Liverpul” esa 15 ochko bilan 2-pog‘onada qoldi.
“Zamin”ni Telegramʻda oʻqing!
