O‘zbekiston Superligasida 24-tur bahslari davom etmoqda.
Buxoroda mezbon «Buxoro» klubi «Paxtakor»ga yirik 0:4 hisobida mag‘lub bo‘ldi. Toshkentliklar safida gollarga Resan, Flamarion va Sergeev (dubl) mualliflik qildi.
Superliga. 24-tur. 4 oktyabr
Buxoro — Paxtakor 0:4
Gollar: Resan 28, Flamarion 38, Sergeev 80, 84 (dubl).
Mazkur natija orqali «sherlar» 46 ochko bilan 3-o‘rinni egallab turibdi. Buxoroliklar esa 21 ochko bilan 15-pog‘onani band etgan.
Samarqandning «Dinamo» klubi esa Termizda «Surxon»ni 2:0 hisobida mag‘lubiyatga uchratdi. Mehmonlar safida gollarga Firdavs Abdurahmonov va Jahongir Abdusalomov mualliflik qildi.
Superliga. 24-tur. 4 oktyabr
Surxon — Dinamo 0:2
Gollar: Abdurahmonov 7, Abdusalomov 29.
Ushbu natijadan so‘ng «Dinamo» 44 ochko bilan 4-o‘rinni band etgan. Termizliklar esa 25 ochko to‘plagan holda 12-pog‘onadan joy olgan.
“Zamin”ni Telegramʻda oʻqing!
