Qozog‘istonning “Qayrat” jamoasi UYEFA Chempionlar ligasi umumiy bosqichining uchinchi turida Kiprning “Pafos” klubi bilan 0:0 hisobida durang o‘ynadi.
Euro-football.ru yozishicha, “Qayrat” bosh murabbiyi Rafael Urazbaxtin natijadan so‘ng fikr bildirdi. Murabbiy jamoadagi futbolchilar bunday o‘yinlarda tajriba orttirishi kerakligini ta’kidladi.
Urazbaxtin futbolchilar natijadan norozi bo‘lganini aytdi. Uchrashuv davomida “Qayrat” deyarli butun o‘yinni bir futbolchi ko‘p bo‘lib o‘tkazdi va g‘alaba uchun yaxshi imkoniyatga ega edi.
Ma’lumotlarga ko‘ra, “Pafos” futbolchisi uchrashuvning to‘rtinchi daqiqasidayoq maydondan chetlatilgan. Shunga qaramay, “Qayrat” raqib darvozasini ishg‘ol qila olmadi.
“Qayrat” Chempionlar ligasidagi navbatdagi uchrashuvini safarda Italiyaning “Inter” klubiga qarshi o‘tkazadi. Klub kelgusi o‘yinda ilk g‘alabasini qo‘lga kiritishga harakat qiladi.
“Zamin”ni Telegramʻda oʻqing!
