Qo‘qonda kechgan “Vodiy derbisi” futbol muxlislarini bir qadar hayratda qoldirdi — “Qo‘qon-1912” o‘z uyida katta bosim ostida bo‘lishiga qaramasdan, so‘nggi daqiqalarda “Navbahor”ni yengishga muvaffaq bo‘ldi.
Bahs juda keskin o‘tdi. Ilk bo‘limda har ikki jamoa xavfli vaziyatlar yaratgan bo‘lsa-da, hisob ochilmadi. Ammo ikkinchi taymning qo‘shib berilgan vaqtlari “Qo‘qon-1912” uchun haqiqiy dramaga aylandi.
90+4-daqiqada Andro Giorgadze jamoani oldinga olib chiqdi — u burchakdan uzatilgan to‘pni aniq zarba bilan darvoza tagiga yo‘lladi. Bu goldan keyin “Navbahor” jamoaviy hujumlarni ko‘paytirdi, ammo bu faqatgina ularning orqa chizig‘ida bo‘shliq qoldirishiga sabab bo‘ldi.
Natijada 90+11-daqiqada Javohir Husanov qarshi hujumni muvaffaqiyatli yakunlab, hisobni 2:0 qildi.
Bundan oldinroq, 22-daqiqada “Navbahor” yarim himoyachisi Azim Ahmedov qo‘pol harakati uchun to‘g‘ridan to‘g‘ri qizil kartochka olgan va jamoani kam sonli tarkibda qoldirgan edi. Shu holat derbining umumiy manzarasini tubdan o‘zgartirdi.
«Qo‘qon 1912» — «Navbahor» 2:0
Qo‘qon. «Markaziy» stadion.
Gollar: Andro Giorgadze (90+4), Javohir Husanov (90+11)
«Qo‘qon-1912»: Azizxon Isaqov (13), Shahzod Akramov (19), Jasurbek Yoqubov (5), Andro Giorgadze (44), Aslіddin Toshtemirov (4), Abror Karimov (23), Shota Gvazava (7), Muhammadanas Hasanov (22), Shohruh Gadoyov (10), Abdug‘afur Haydarov (78), Datsi Kleydi (17)
«Navbahor»: Shukron Yo‘ldoshev (16), Muhammadbobur Mo‘ydinov (32), Gilerme Gedesh (36), Igor Gabriel (99), Azimjon Ahmedov (7), Ruslanbek Jiyanov (17), Abbos G‘ulomov (70), Sherzod G‘ulomjonov (6), Shohmalik Komilov (8), Navro‘zbek Iminjonov (71), Asadbek Jo‘raboyev (22)
Bu g‘alaba “Qo‘qon-1912” uchun nafaqat tarixiy, balki ruhiy jihatdan ham muhim bo‘ldi. Jamoa so‘nggi turlardagi muvaffaqiyatsiz seriyadan so‘ng, o‘z muxlislari oldida qayta ishonch qozondi.
“Zamin”ni Telegramʻda oʻqing!
