Fransiya Liga 1ining 9-turida "Lion" va "Strasburg" oʻrtasidagi oʻyin gʻalaba va dramatik voqealarga boy boʻldi. Oʻyinning 25-daqiqasida mehmon jamoa hujumida Gela Duening uzatmasidan soʻng Xoakin Panichelli bosh bilan gol urdi va hisobni 1:0 koʻrinishiga olib keldi.
Oradan koʻp oʻtmay, "Lion" qarshi hujum uyushtirdi. Natijada raqib himoyachisi Ismoil Dukure oʻz darvozasiga gol urib, hisobni 1:1 koʻrinishiga olib keldi.
Birinchi boʻlim soʻngida "Lion" futbolchisi Korenten Tolisso Valentin Barko tomonidan jarima maydonida yiqitildi va hakam penalti belgiladi. Ammo Tolisso tomonidan amalga oshirilgan zarbani darvozabon qaytarib, hisob oʻzgarmadi.
Ikkinchi boʻlimning 67-daqiqasida "Strasburg" futbolchisi Ismoil Dukure qizil kartochka olib, maydondan chetlatildi. Shundan keyin "Lion" oʻyinni oʻz nazoratiga oldi va 90-daqiqada Musso Nyakatning uzatmasidan soʻng Afonso Moreyra chiroyli gol urib, jamoasiga 2:1 hisobida gʻalaba keltirdi.
Ushbu gʻalabadan soʻng "Lion" 3-oʻringa koʻtarilib, yetakchidan 2 ochko ortda boʻlib turibdi. "Strasburg" esa 7-oʻrinda qoldi.
