Palmeiras hujumchisi Vitor Roke Yevropaga qaytishga yaqin turibdi. Yosh braziliyalik futbolchi "Barselona"da muvaffaqiyatsiz davridan soʻng, vatanda oʻz faoliyatini muvaffaqiyatli davom ettirdi.
Jurnalist Ekrem Konurning xabar berishicha, 20 yoshli forvardning oʻyinlarini Londonning "Chelsi" va "Tottenhem" klublari kuzatib bormoqda. Shuningdek, futbolchini sotib olishni koʻrib chiqayotgan klublar orasida "Napoli", "Roma" va "Betis" ham bor.
Ta'kidlash joizki, futbolchi avvalroq "Betis" safida ijarada toʻp surgan. Vitor Roke "Palmeiras" uchun barcha musobaqalarda 48 o'yin oʻtkazib, 17 ta gol urgan va 4 ta golli uzatmani amalga oshirgan.
Transfermarkt portali ma'lumotlariga koʻra, bu koʻtarilayotgan yulduzning transfer qiymati 20 million yevroni tashkil qiladi.
