Barselona bitta o‘yindan 8 million yevro topishi mumkin

Kataloniyaning "Barselona" klubi Peru hududida o‘rtoqlik uchrashuvi o‘tkazishga yaqin turibdi. Bu haqda Mundo Deportivo nashri xabar berdi.

Manbaga ko‘ra, "ko‘k-anorranglilar" o‘rtoqlik uchrashuvi tashkil etish bo‘yicha Janubiy Amerika vakillari bilan muzokaralar olib bormoqda. Agar tomonlar kelishuvga erishsa, "Barselona" ushbu o‘yindan 7-8 million yevro atrofida daromad ko‘rishi mumkin.

So‘nggi o‘yinda Xavi Ernandes boshchiligidagi jamoa La Liga doirasida "Real Madrid"ga qarshi maydonga tushdi. "Santyago Bernabeu" stadionida o‘tgan bahsda kataloniyaliklar 1:2 hisobida mag‘lub bo‘ldi.

Hozirda "Barselona" 22 ochko bilan musobaqa jadvalida ikkinchi o‘rinni egallab turibdi. "Real Madrid" esa 27 ochko bilan peshqadamlik qilmoqda.