Piza va Latsio o‘yinida gollar bo‘lmadi

Italiya chempionatining to‘qqizinchi turidagi so‘nggi uchrashuvda "Piza" va "Latsio" jamoalari durang o‘ynadi. Uchrashuv natijasiga kuchli yomg‘ir va og‘ir maydon ham ta’sir qilgan bo‘lishi mumkin.

O‘yinda xavfli vaziyatlar deyarli kuzatilmadi. Faqatgina "Latsio" futbolchisi Gustav Isaksen 32-daqiqada gol urishga harakat qilgan edi, biroq darvozabon uning zarbasini qaytarishga muvaffaq bo‘ldi.

Ushbu 0:0 hisobidagi durang natija "Piza" jamoasiga 5 ochko bilan quyi ligaga tushish zonasidan chiqishga imkon berdi. "Latsio" esa 12 ochko bilan turnir jadvalining 11-pog‘onasini bo‘lishib turibdi.