“Aston Villa” bosh murabbiyi Unai Emeri Angliya Premer-ligasining yaqinlashib kelayotgan “Liverpul”ga qarshi oʻyini oldidan oʻz fikrlarini bildirdi. Emeri soʻnggi yetti oʻyindan oltitasida magʻlub boʻlgan mersisaydliklarni qoʻllab-quvvatlashini aytdi.
“Liverpul”ga juda katta hurmatim bor. Albatta, ular hozir unchalik yaxshi natijalarga erishmayapti, ammo ularning murabbiyi oʻz darajasi va tajribasini allaqachon isbotlagan.
Oʻtgan mavsumda ular bir butun jamoa sifatida ajoyib oʻyinlar koʻrsatib, Premer-ligani qoʻlga kiritgan edi. Bu mavsumda ham ularning murabbiyi oʻsha, tarkib esa yanada kuchliroq.
Hozir ular moslashish jarayonidan oʻtmoqda. Jamoani qayta qurishmoqda.
Balki, ularga hozirgi tarkib bilan oʻz kuch va ishonchlarini toʻliq his qilish uchun biroz vaqt kerakdir. Ammo individ sifatida ularning oʻyinchilari juda kuchli.
“Liverpul”ga hurmatim baland va ertaga ularning maydonida nimagadir erishish oson boʻlmasligini yaxshi tushunaman. Biz oʻz imkoniyatlarimizning maksimumini koʻrsatishimiz kerak – ham taktik, ham individual jihatdan.
Eng muhimi, sovuqqonlikni saqlashdir”, – dedi Emeri jurnalistlarga. “Liverpul” va “Aston Villa” oʻrtasidagi uchrashuv 1-noyabr kuni Moskva vaqti bilan soat 23:00 da boshlanadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
