Mareska: Kaysedo va Rodri dunyoning eng yaxshilari
“Chelsi” bosh murabbiyi Enso Mareska Moyses Kaysedoni yuqori baholab, uni Rodri bilan birga dunyoning eng yaxshi tayanch yarim himoyachilaridan biri deb atadi. Kaysedo “Tottenhem”ga qarshi uchrashuvda 34-daqiqada Joao Pedroning yagona goliga assistentlik qildi. “Chelsi” mezbonlarni minimal hisobda mag‘lub etib, 10 turdan so‘ng 17 ochko bilan Premer-liga turnir jadvalida beshinchi o‘ringa ko‘tarildi.
“Chelsi” bosh murabbiyi Enso Mareska “Tottenhem”ga qarshi o‘yindan so‘ng yarim himoyachi Moyses Kaysedoni yuqori baholadi. Uchrashuvda “ko‘klar” mezbon jamoani minimal hisobda mag‘lubiyatga uchratdi.
24 yoshli ekvadorlik futbolchi 34-daqiqada Joao Pedroning goli uchun pas berdi va bu gol o‘yinda yagona bo‘lib qoldi. “Kaysedo yana o‘zining qanchalik kuchli ekanligini ko‘rsatdi.
U yuqori darajadagi futbolchi. Uning eng yaxshi sifati – kamtarligi.
Ajoyib yigit, doimo barchaga yordam berishga tayyor. U va Rodri dunyoning eng yaxshi tayanch yarim himoyachilari”, – deydi Mareska Football.London nashriga bergan intervyusida.
“Chelsi” 10 turdan so‘ng 17 ochko to‘plab, Premer-liga turnir jadvalida beshinchi o‘ringa ko‘tarildi.
Izohlar 0
…