Angliyaning «Everton» jamoasi bosh direktori aksionerlar yig‘ilishida ma’lum qildiki, klub rossiyalik tadbirkor Alisher Usmonovning xoldingi (USM) bilan 5 yillik homiylik shartnomasi tuzgan, deyiladi Kun.uz sayti xabarida. Kelishuv doirasida 2017 yilning yanvarida jamoaning mashg‘ulot bazasini nomlash huquqi ham ushbu xoldingga o‘tadi.
The Guardian xabariga ko‘ra, kelishuvning umumiy qiymati 75 mln funt sterlingni (92,6 mln evro) tashkil etadi.
Endilikda «Everton»ning mashg‘ulot bazasi nomi Finch Farm emas, USM Finch Farm bo‘ladi. Bundan tashqari, Usmonovning xoldingi klubning uy uchrashuvlari o‘tadigan «Gudison Park» stadionidagi o‘yinlar vaqtida reklama joylashtirish va marketing ishlarini yuritish huquqiga ega bo‘ldi.
2016 yilning fevralida «Everton» rahbariyati rossiyalik tadbirkor Alisher Usmonovning Red and White Holdings va USM xoldinglari bo‘yicha hamkori bo‘lmish eronlik Farhod Moshiriy inglizlar jamoasi aksiyalarining 49,9 foiziga ega bo‘lganini ma’lum qilgandi.
Usmonov Londonning «Arsenal» klubi aksionerlaridan biri hisoblanadi. 2016 yilning fevralida u Moshiriyning hissasini sotib olib, o‘z aksiyalari ulushini 30,04 foizga etkazgandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
2050 yilda 1,2 milliardgacha odam yashash joyini tark etadi
Olimlar qahvaning ichakdagi bakteriyalar tarkibiga ta’sirini aniqladi
Qur’onni yoqqani uchun qamalgan Nikita Juravelga yangi hukm o‘qildi
Finlandiyada omon qolish kurslariga yozilayotgan ayollar soni keskin oshdi
Kiyev va Moskva o‘rtasidagi tinchlik muzokaralari: u qanday ko‘rinishda bo‘lishi mumkin?
Superliga. 2025 yilgi mavsum qachon start olishi ma’lum qilindi
