Ashraf Hakimi jarohatdan keyin izoh qoldirdi

PSJ himoyachisi Ashraf Hakimi Chempionlar Ligasi doirasida "Bavariya"ga qarshi oʻyinda toʻpigʻidan jarohat oldi. Oradan bir sutka oʻtib, marokashlik futbolchi ijtimoiy tarmoqlarda izoh qoldirdi.

"Yiqilishlar – yoʻlning bir qismi, ammo qaytishlar kuchni namoyon etadi. Menga xabar yoʻllagan barcha insonlarga rahmat!" – deb yozdi Hakimi.

Avvalroq PSJ Hakimining jarohati haqida maʼlumot bergan edi. Matbuotga koʻra, futbolchi tiklanishi uchun bir yarim oydan ikki oygacha vaqt kerak boʻladi.

PSJ seshanba kuni "Bavariya"ga oʻz maydonida 1:2 hisobida magʻlub boʻlib, muxlislarini xafa qildi. Parijliklarning navbatdagi oʻyini 9-noyabr kuni safarda "Lion"ga qarshi boʻlib oʻtadi.

Sardor Ergashev

«ZAMIN.UZ» muharriri