Argentina futboli afsonasi Lionel Messi AQSHning Mayami shahrida katta sharafga sazovor bo‘ldi — unga shaharning ramziy kaliti topshirildi. Tantanali marosimda shahar meri Frensis Suares bu kalitni shaxsan Messiga taqdim etdi.
— Sizga bu kalitni shahrimiz uchun qo‘shgan hissangiz va jahon futboliga qilayotgan xizmatlaringiz uchun topshiryapman. Mayamini va butun mamlakatni ilhomlantirayotganingiz uchun minnatdorman, — dedi mer Suares marosimda.
Ma’lumot uchun, Lionel Messi 2023 yil yozidan buyon “Inter Mayami” klubi sharafini himoya qilib kelmoqda. Yaqinda esa u klub bilan shartnomasini 2028 yil dekabrgacha uzaytirdi.
Shu tariqa, shahar rahbariyati Messining nafaqat sportdagi, balki Mayamining madaniy va jamoat hayotidagi ta’sirini ham e’tirof etdi.
“Zamin”ni Telegramʻda oʻqing!
