Kataloniyaning mashhur klubi “Barselona” yana transfer bozorining diqqat markazida. Jamoa rahbariyati joriy mavsumda “Bavariya” safida ajoyib o‘yin ko‘rsatayotgan Xarri Keyni kelgusi yilda o‘z safiga qo‘shib olishni rejalashtirmoqda.
Ishonchli manbalarning xabar berishicha, “Barsa” angliyalik hujumchini Robert Levandovskining eng munosib vorisi deb biladi. Levandovskining shartnomasi 2026-yil yozida nihoyasiga yetadi va klub oldindan yangi yetakchini izlashni boshlagan.
Ma’lumotlarga ko‘ra, “Barselona” Keynning 57 million funt sterling (taxminan 64,5 million yevro) miqdoridagi tovon pulini to‘lashga tayyor. Bu qadam kataloniyaliklarning moliyaviy imkoniyatlari va yangi sport rejasi bilan bog‘liq bo‘lishi aytilmoqda.
Xarri Keyn esa “Bavariya” safidagi bu yilgi mavsumini juda kuchli boshladi. Hozirga qadar 17 ta uchrashuvda maydonga tushib, 23 ta gol urdi va 3 ta golli uzatma berdi. Bu ko‘rsatkich u hali ham Yevropaning eng samarali hujumchilaridan biri ekanini tasdiqlaydi.
Tahlilchilar fikricha, agar ushbu transfer amalga oshsa, “Barselona” yana haqiqiy markaziy hujumchiga ega bo‘ladi. Keyin esa nafaqat maydondagi o‘yin uslubi, balki jamoa ichidagi raqobatni ham kuchaytirishi mumkin.
Shu bilan birga, “Bavariya” Keynni qo‘yib yuborishni istamasligi ham ehtimoldan xoli emas. Nemis klubi uchun u hozirgi paytda hujum chizig‘ining markaziy figurasi hisoblanadi.
Keynning o‘zini esa bu xabarlar bezovta qilayotgani yo‘q — u hozircha faqat “Bavariya” bilan chempionlik va Yevropa qahramonligi uchun kurashishni maqsad qilgan. Ammo futbol olamida hamma narsa o‘zgaruvchan. Shu bois, 2026-yil yozida uni “Barselona” libosida ko‘rish ehtimoli juda yuqori deyish mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
