Simon Kyer Italiyada yashashda davom etmoqda

Daniyalik himoyachi Simon Kyer futbolchilik faoliyatining katta qismini Italiyada oʻtkazgan. U "Palermo", "Milan", "Roma" va "Atalanta" kabi jamoalarda oʻynagan.

Futbolchilik faoliyatini yakunlaganidan keyin ham u Italiyada yashashni davom ettirmoqda. Kyer Italiyada qolish sababini tushuntirdi: "Bu yerda oʻzimni yaxshi his qilaman.

Futbolchilik faoliyatimni farzandlarim uchun tugatdim, ular bilan koʻproq vaqt oʻtkazmoqchiman. Bizning oilamizda til aralashmasi mavjud: men daniycha gapiraman, rafiqam shvedcha, bolalar esa ingliz va italyan tillarida muloqot qilishadi", – dedi Kyer pianetamilan.it nashriga bergan intervyusida.

Maʼlumot uchun, Simon Kyer Daniya terma jamoasi safida 132 ta oʻyinda maydonga tushgan va bu koʻrsatkich boʻyicha rekordchi hisoblanadi. “Zamin”ni Telegramʻda oʻqing!