Ayaks yarim himoyachisi Jorti Mokio «Manchester Yunayted»ning qiziqish doirasiga tushdi. 17 yoshli futbolchi Amsterdam klubi bilan kelajagi borasida hali bir qarorga kelmagan.
Garchi Niderlandiya grandi istiqbolli belgiyalik bilan shartnomani uzaytirishni xohlayotgan bo‘lsa-da, o‘yinchi klub loyihasidan qoniqmagan. Jurnalist Sasha Tavolierining xabariga ko‘ra, «Manchester Yunayted» ushbu vaziyatni diqqat bilan kuzatmoqda.
Qolaversa, «Nyukasl» va Frankfurtning «Ayntraxt» klublari ham iqtidorli futbolchini qo‘lga kiritishni istamoqda. Jorti Mokio Ayaksning asosiy jamoasi safida 29 ta o‘yinda maydonga tushib, 2 ta gol urishga muvaffaq bo‘lgan.
Transfermarkt portali ma’lumotiga ko‘ra, yarim himoyachi, shuningdek, himoyachi sifatida ham o‘ynay oladigan futbolchining transfer qiymati 8 million yevroga baholanmoqda. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
