Ispaniyaning «Barselona» klubi argentinalik hujumchi Lionel Messini jamoada olib qolish uchun uni jahonda eng katta maosh oladigan futbolchiga aylantirishga tayyorligini bildirdi, deb yozmoqda «Daryo» nashri. Sharti — u «Barselona» bilan karerasining yakuniga qadar bo‘lgan shartnomaga imzo chekishi kerak.
«Sports.ru» bergan ma’lumotga ko‘ra, Kataloniya klubi Messiga yanvar oyining so‘nggiga qadar yangi shartnoma taklif qiladi. 29 yoshli futbolchi uning shartlariga rozi bo‘lib, faoliyatini «Barselona»da davom ettirishga qaror qilsa, dunyoda eng katta maosh oluvchi futbol yulduziga aylanadi.
Ayni paytda argentinalik boshqa bir hujumchi Karlos Teves eng katta maosh oladigan futbolchi hisoblanadi. Uni o‘z safiga qo‘shib olgan Xitoyning «Shanxay Shenxua» futbol klubi yiliga 40 million dollarning bahridan kechishga rozi bo‘lgan. Bu haftasiga 763,5 ming dollar deganidir.
Messining o‘zi «Barselona»ning qaroridan hayratda bo‘lsa-da, shartnomaga imzo chekishga shoshilmasligi mumkin. Chunki unga puldan ko‘ra sovrinlar muhimroq. «Barselona» yana bir necha yillar davomida ham bugungi mavqesida qola olishiga Messini ishontirishi kerak bo‘ladi.
Ma’lumot uchun, Lionel Messining «Barselona» bilan amaldagi shartnomasi 2018 yilning yoz faslida o‘z yakuniga etadi.
Avvalroq Manchester klublaridan biri Messiga «Barselona» bilan shartnomaga imzo chekmaslik uchungina 100 million evro berishga tayyorligini bildirgandi. Uni o‘z safida ko‘rishni istayotgan jamoalar katta summalarni taklif qilayotgani uchun ham «Barselona» futbolchini saqlab qolish uchun 1,5 yil oldin harakatga tushib qoldi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi