Tibo Kurtua dunyoning eng yaxshi darvozabonimi?

Real Madrid va Belgiya terma jamoasi darvozaboni Tibo Kurtua o‘zini dunyoning eng yaxshi darvozaboni deb hisoblaydimi, degan savolga javob berdi.

Suhbatda futbolchi shunday dedi: «Shubhasiz, men eng yaxshilardan biriman. Lekin har kimning o‘z didi bor. Har kimning o‘z fikri bor. Men klubga yordam berishim kerak».

Kurtua so‘ralganda eng yaxshi uchta darvozabonni sanab o‘tdi: «O‘zimni istisno qilaman. Yan Oblak bu mavsumda juda yuqori saviyada o‘ynamoqda. Alisson menga juda yoqadi, garchi u jarohatlangan bo‘lsa ham. David Raya ham menga juda yoqadi».

Shu tarzda Tibo Kurtua o‘zini eng yaxshilar qatorida ko‘rsatishi bilan birga, dunyodagi boshqa yetakchi darvozabonlarni ham e’tirof etishini bildirdi.

Oqiljon Muhammad

«ZAMIN.UZ» muharriri