Bolonya Udinezeni yirik hisobda magʻlub etdi

Italiya chempionati doirasida boʻlib oʻtgan "Udineze" va "Bolonya" jamoalari oʻrtasidagi bahs kutilganidek dramatik boʻlmadi. Garchi oʻyin voqealarga boy boʻlmasa-da, gʻalaba qozongan tomon aniq boʻldi.

Birinchi bo‘lim oxirida "Udineze" himoyachisi Kingsli Exizibuye oʻz jarima maydonida qoʻli bilan oʻynab qoʻydi va hakam penalti tayinladi. "Bolonya" futbolchisi Rikardo Orsolini zarbani amalga oshirdi, biroq darvozabon uning to‘pini qaytarishga muvaffaq boʻldi, hatto qaytgan to‘pga zarba berishga ham imkon bermadi.

Ikkinchi bo‘limning 54-daqiqasida Orsolini oʻz xatosini tuzatib, golli pas uzatdi, natijada Tommazo Pobega hisobni ochdi. Bir necha daqiqa oʻtib esa mezbonlar darvozaboni xato qilib, toʻpni Pobegaga sovgʻa qildi va u hisobni 2:0 koʻrinishiga olib chiqdi.

Yana bir imkoniyatni "Bolonya" futbolchisi Jovanni Fabbian boy berdi, u qulay vaziyatdan gol ura olmadi. Yakuniy daqiqalarda esa Teys Dallinga toʻpni olib qoʻydi va Fedriko Bernardeski oʻz goli bilan oʻyinga nuqta qoʻydi.

Natija: 0:3. "Bolonya" endi "Inter" va "Roma" bilan birgalikda turnir jadvalida yetakchilik qilmoqda, "Udineze" esa 9-oʻrinni boʻlishmoqda.

“Zamin”ni Telegramʻda oʻqing!