Italiya terma jamoasi Bolonyada o‘tgan finalda Ispaniyani mag‘lub etib, ketma-ket uchinchi bor Devis Kubogi chempioni bo‘ldi. Bu natija mamlakat tennis tarixida beqiyos yutuq sifatida qayd etildi.
Bellashuvni Matteo Berrettinining ishonchli g‘alabasi boshlab berdi — u Pablo Karreno Bustani 6:3, 6:4 hisobida yengdi. 29 yoshli tennischi 13 ta eys bilan o‘z ustunligini namoyish etdi.
Ikkinchi o‘yinda esa Flavio Kobolli haqiqiy iroda ko‘rsatdi. Ilk setni 1:6 hisobiga boy berganiga qaramay, u 7:6(5), 7:5 natijasi bilan uch setlik g‘alabani qo‘lga kiritdi va finalni Italiya foydasiga hal qildi.
Bu bilan Italiya Yevropa qit’asida uch marta qator chempionlikka erishgan birinchi davlatga aylandi. Bunga qadar bunday natija faqat AQSHga nasib etgan.
Ispaniya jamoasi esa 2019-yildan buyon ilk finaligacha yetib keldi, ammo hal qiluvchi bosqichda Italiyaning kuchli o‘yiniga qarshi tura olmadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
