Sobiq "Ufa" darvozaboni va Armaniston terma jamoasi aʼzosi David Yurchenko Rossiya va Armaniston oʻrtasida oʻrtoqlik uchrashuvi oʻtkazilishi ehtimoli haqida oʻz fikrini bildirdi. "Rossiya va Armaniston oʻrtasida oʻyin oʻtkazish gʻoyasiga ijobiy qarayman.
Bu ikki mamlakatni koʻp narsa bogʻlaydi. Xudo xohlasa, bunday oʻyin boʻlib oʻtadi.
Bu uchrashuv katta eʼtiborni jalb qiladi va juda qiziqarli boʻladi", dedi Yurchenko Metaratings.ru nashriga bergan intervyusida. Maʼlumot uchun, Armaniston va Rossiya terma jamoalari oʻzaro 5 marta oʻyin oʻtkazgan.
1999-yilda boʻlib oʻtgan ikki uchrashuvda Rossiya 3:0 va 2:0 hisobida gʻalaba qozongan. 2011-yilda 3:1 va 2014-yilda 2:0 hisobidagi gʻalabalar ham Rossiya foydasiga hal boʻlgan.
2011-yildagi yana bir oʻyin 0:0 hisobidagi durang bilan yakunlangan. Ayni paytda Rossiya FIFA reytingida 33-oʻrinda, Armaniston esa 103-oʻrinda joylashgan.
Mehmon guruhidagi foydalanuvchilar ushbu nashrga izoh qoldira olmaydi.
