«Fiorentina» hujumchisi Edin Jeko Konferensiyalar Ligasi doirasida Gretsiyaning AEK jamoasiga qarshi o‘tkazilgan uy uchrashuvidagi (0:1) mag‘lubiyatdan so‘ng intervyu berdi. «Binafshalar» A Seriyadagi omadsizliklardan norozi bo‘lgan muxlislarning tanqidiga duch kelishdi.
Uchinchi darajadagi Yevrokubok musobaqasida ham jamoa holati yaxshi emas: o‘tgan mavsum yarim finalgacha yetib borgan jamoa ketma-ket ikki uchrashuvda mag‘lub bo‘lib, umumiy bosqich turnir jadvalida 17-o‘ringa tushib qoldi. «Men bunday natijani kutmagan edim.
Biz yaxshi tayyorgarlik ko‘rdik, murabbiy bizni taktik jihatdan tayyorladi. Birinchi bo‘limda yomon o‘ynamadik, lekin o‘tkazib yuborilgan goldan keyin vaziyat murakkablashdi.
Bizni dahshatli o‘yin ko‘rsatmoqda deb aytish mumkin, klub futbolkasini kiyishga arzimaydi deyish ham mumkin — bunga qarshiligim yo‘q. Lekin uy uchrashuvlarida bizga muxlislarning qo‘llab-quvvatlovi zarur, har bir noto‘g‘ri uzatma uchun masxara qilishmasligi kerak.
Biz bu inqirozni birgalikda yengib chiqishimiz kerak. Istasangiz, uchrashuv tugagach tanqid qiling, ammo o‘yin davomida bizning yonimizda bo‘ling», – dedi Jeko Football Italia nashriga.
Yakshanba kuni «Fiorentina» safarda «Atalanta»ga qarshi bahs olib boradi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
